Ilara luze batek bete du, goizeko hamaiken aurretik, San Frantzisko pasealekua. Haur abesbatzena beti izan da harrera beroenetakoa jaso izan duen lehiaketako saioa, eta urteroko maiztasuna bi urtez behinekora pasatu zenetik abesbatzen belaunaldi berriek jakin mina are gehiago piztu dute.
Budapesteko Marczibányi Téri Kodály iskola gyermekkara hau abesbatzaren ardura izan da goizeko saioa irekitzea, eta bi zuzendariren aginduak jarraituz, bikain ahoskatu dituzte euskarazko kantuen hitzak.
Jarraian, Jorcam-eko haurrek koreografiak taularatu dituzte, Madrilgo Errege Aretoko diziplinaren erakusgarri, eta Ikimilikiliklik! magikoarekin txalo zaparrada jaso dute
Haurren saioko lehen zatia Rigako (Letonia) katedraleko nesken abesbatzak itxi du, eta publikoaren beroa jaso dute, zinez, eskaini duten lanaren fintasunagatik.
Amics de la Unió talde kataluniarreko haurren abesbatza izan da, oholtzaratzen laugarrena, eta eskaini dituzten lau obrak interpretatzeko originaltasunari ez zaio kalitate eta indarrik falta izan.
Atzetik, berriz, Estoniako Musamari nesken taldea aritu da, lotsatiago hasieran, baina, azkenik, Küla Kuuleb obrarekin saioa biribilduz.
Eta, haur abesbatzen lehiaketako saioa ixteko, Bielorrusia urruneko lurretatik iritsitako Lira haur abesbatzak Jacob Arcadett-en Ave Mariarekin liluratu du Leidor.
Gauerdian izango dute, guztiek, epaiaren berri.
Marczibányi Téri Kodály Iskola Gyermekkara (Hungaria)
Pequeños cantores de la Jorcam (Madril, Espainia) Riga cathedral girl´s choir Tiara (Letonia)
Cor infantil Amics de la Unió (Herrialde Katalanak)
Girls choir of Musamari choral school (Estonia) Lira children´s choir (Bielorrusia)