Letoniako Laiks, Suediako Stockholms Musikgymnasium, Norvegiako Cantus eta Frantziako Mikrokosmos ganbera abesbatzek eman dute beren onena, Leidor aretoko oholtzan. 47. Abesbatza Lehiaketa abiaraztearen ardura izan zuten, eta polifonian aritu ziren lehenengo, folklore saileko emanaldiarekin ostirala biribiltzek.
Adinez nahiz estiloz, saio anitza izan zen lehena eta, besteak beste, suediarren gaztetasuna, norvegiarren indarra eta frantziarren nolabaiteko berrikuntza hizpide izan ziren ikusleen artean.
Gaur gauean ezagutuko dute, abesbatzek, epaimahaiaren erabakia baina, oraindik ere, asko geratzen zaio Tolosako 47. Abesbatza Lehiaketari: haurrak gogoz aritu dira, goizean, Leidorren, eta arratsaldean polifonia eta folklorearen txanda izango da, berriz, azken ganbera abesbatzen eskutik.
Laiks (Letonia)
Stockholms Musikgymnasium Chamber Choir (Suedia)
Cantus (Norvegia)
Mikrokosmos (Frantzia)
