Aurten hainbat aldaketa izango dira: 8km-ko ibilbide laua izango da, aldapa guztiak kendu dituzte parte hartzea errazteko, eta ez da diru-saririk izango lehenengoentzat, bai, ordea, sariak eta ondorengo opari-zozketa. Gainera, aurten lehenengo aldiz, eta txikitxoen artean atletismoa sustatzeko asmotan, Txiki Krosa egingo dute, 12:00etan, helduen krosa amaitu ostean, eta helduen sari banaketaren aurretik. Bertan 12 urte bitartekoek parte hartu ahal izango dute. Lehenengo 100 parte hartzaileek domina izango dute, baita opari zozketa ere. Izen ematea dohain izango da 11:30ak arte Ferialekuan.
Ibilbidean zehar laguntzeko prest dagoenak nahikoa du San Estebanen azaltzea goizeko 10:00etan. Izen-emateak, berriz, Shanti Kirolaken eta irteeran bertan egingo dira.
Lehenengo 350 korrikalarirentzat kamisetak egongo direla azaldu dute antolatzaileek.