Jexux Mari Zalakain, etxean

Jexux Mari Zalakain, etxean

Zortzi urteko espetxealdiaren ondoren, atzo irten zen Dueñaseko kartzelatik. Han bertan zain zituen senide eta lagunak eta ondoren bizileku duen Santutxun harrera beroa egin zioten.

Igandea izanik, jende ugari gerturatu zen Palentziako presondegira Zalakaini lehen harrera egitera. Gertuko senide eta lagunez gain, unibertsitatean lankide izandako irakasle hainbat eta berarekin 18/98 auzian, Egin egunkariaren aurkakoan, zigortuak izan ziren eta aske dauden Pablo Gorostiaga, Murga anaiak eta Jose Luis Elkoro ere izan ziren bertan.

Besarkada eta muxu artean hartu zuten Zalakain. Lore-sorta, txapela eta makila ere oparitu zizkioten. Euskal Herrirako bideari ekin zioten ondoren.

Izan ere, arratsaldean harrera egin zioten Santutxun, espetxeratu aurretiko azken urteetan Zalakain bizi izan den auzoan. Uriola.eus-ek jakinarazi duen moduan, 'Urratsez urrats, euskal preso eta iheslariak etxera! Santutxun bat gutxiago' lelopean auzotar ugari bildu ziren zortzi urte preso eman dituen kazetari eta irakasleari harrera beroa eskaintzera.

Argazkia: Etxerat elkartea

Argazkia: Uriola.eus

Argazkia: Sortu

Argazkia: @Hordagok

Argazkia: Sortu

Auzia ez da izan ala ez izan. Kontua ekitea da. Atarikide egitea, euskararen aldeko hautua egitea, zure herrian gauzak antolatzea, horren berri ematea, etxetik plazara salto egitea. TOLOSALDEKO ATARIA egiten duzun hori da. Egiten duzun neurrian gara.

Egin Atarikide!