Tolosan, euskaraz lehen hitza

Erabiltzailearen aurpegia Gazte Abertzaleak 2015ko ira. 26a, 13:56

Tolosaldeako Gazte Abertzaleak osatzen dugunok Tolosako Udala gobernatzen duen EAJri herritarrei azalpenak ematea exijitzen diogu, ulertezina deritzogu eta euskaz lehen hitza beti eman beharko lukeen erakunde batek bilera ireki bat soilik gazteleraz eman izana, bidetik euskaldun guztion eskubideak zapalduz.

Irailaren 24an Tolosako Udalak bilera batera deitu zituen herritarrak eta bertaratu zirenen artean pertsona batzuek euskaraz ez zekitenez, bilera gazteleraz soilik egitea pentsatu zuten. “Denon hizkutzan” egin zuten arren, tolosarron hizkuntza erabat baztertua izan zen. Gazteleraz egin zuten azkenean bilera eta askoren hizkuntz eskubideak urraturik geratu ziren. Are gehiago larritzen gaitu jakiteak Eusko Jaurlaritzako euskara zuzendaria izandakoa bilera horretan egon izana.

Protestak azkar iritsi ziren sare sozialetara eta Tolosako Udalak defendatu egin nahi izan du bere burua, hizkuntza eskubideak errespetatzen dituelakoan. Txio horietan erdara lehenesten duela argi eta garbi geratu zenez, Udalak eman zituen erantzun bi ezabatu zituen txoritxoaren sare sozialetik, herritarrei informazioa erabat izkutatu nahian.

Guzti honengatik, EAJri azalpenak ematea exijitzen dizkiogu eta hemendik aurrera euskaldunon hizkuntz eskubideak berriz zapal ez ditzan eskatzen diogu.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!