Mugikortasun astearen barruan kokatu dute Trianguloa plazan eginiko ekimena. Hiru gune desberdin jarri dituzte; batetik, bizikletaz goazenean jakin beharreko oinarrizko segurtasun neurriak azaldu dizkiete udaltzainek gaztetxoei. Bestetik, Oriako txirrindulari eskolak antolatuta, eta Abraham Olanoren laguntzarekin, bizikletaren ezaugarriak eta oinarrizko mantenua nola egin ikasi dute. Besteak beste, gurpila nola aldatzen den ikusi dute gazteek. Azken gunean, bizikletaren txirrinak pertsonalizatu dituzte, eta ondoren bakoitzak berea eman ahal izan du etxera. Horrekin batera, Tolosaldeko garraio publikoaren inguruko informazioa egon da eskuragarri plazan bertan.
Tolosako ikastetxeetako gaztetxoek bizikletaz dabiltzanean segurtasunez ibiltzeko gomendioak jaso dituzte goizean egin duten tailerrean. Bizikleta gainean maisu den Abraham Olano izan dute, gainera, aholkuak ematen.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!