Herrian harrera beroa egin zieten 'Ama Guadalupekoa' osatzen duten arraunlari eta gainerako teknikariei. "Hau ametsa da" zihoen Lizarraldek: "Ondo ibiltzea espero genuen, baina horrelako maila ematea ez".
Izan ere, urte gogoangarria izan da Hondarribiarentzat. 12 bandera lortu ditu, eta San Miguel Ligako irabazleak sekula pilatu duen puntu kopuru handiena bildu du: 217, hain zuzen. Hamabi puntu posibletik, 11,4 estropada bakoitzeko.
Jauregiren ustez, "Hondarribiak azken urtetan egindako lan onaren fruituak" dira aurten lortutako garaipenak: "Pasa den urtean liga irabazita 10eko nota jarri banion denboraldiari, aurtengoak are altuagoa merezi du".
