Gaurtik aurrera puntuen prozedura desagartuko bada ere, azaroaren 30era bitarteko epea izango du bazkide bakoitzak bere txartelean gorderik dituen puntu horiek erosketa txekeengatik ordezkatzeko. Rural Kutxako bulegora joan eta bertan jaso daiteke aipatu txekea; 150-300 puntu bitarteko onuradunek 5 euroko txekea jasoko dute eta 300 puntutik gorakoek 10 eurokoa.
Fidelizazio sistema berria
Fidelizazio sistema berriak, unean uneko deskontuak ekarriko dizkio Tolosa&Co elkarteko txartelaren erabiltzaileei. Izan ere, establezimendu bakoitzak %1eko, %2ko edo %5eko deskontua egingo dio bere erosketan Visa elkartearen txartela erabiltzeagatik. Aipatu deskontua ordea, establezimendu horretan egindako hurrengo erosketan aplikatuko da. Hortik azaldurik, fidelizazio sistema berriaren nondik norakoak. Txartelak berak bere memorian jasoko du erosketa deskontua eta establezimendu horretan egindako hurrengo erosketa egiterakoan, txartelarekin ordaintzerakoan, zuzenean aplikatuko zaio sortutako deskontua.
Erosketek oparia ekar dezakete
Hurrengo bi hilabetetan Tolosa&Co txartela erabiltzeak gainera oparia ekar diezaioke erosleari. Izan ere, irailaren 16tik azaroaren 16ra bitarte, bi bizikleta vintage, 12 tablet eta zinemarako 30 bonu zozketatuko baitira erabiltzaile guztien artean.