Larunbaten jokatu ziren finala eta hirugarren eta laugarren posturako partida, eta lehenengo lau postuetan geratu ziren taldeek afari bana eskuratu zuten Plaza Berriko tabernetan.
Antolatzaileak gustura daude txapelketarekin eta beste ekimenekin, eta aste honetan egingo dute egitasmoaren errepaso mardulagoa. Parte hartu duten taldeei galdetzeko asmoa dute beren iritzia jasotzeko. Bide batez babesle guztiei eskertu die emandako laguntza.
Aurten 18 talde aritu dira boleibol txapelketan, iaz baino gutxiago, baina datak kontuan hartu behar direla diote antolatzaileek. Datorren urtean espero dute parte hartzea handiagoa izango dela.
Larunbatean, boleibol txapelketa bukatu eta gero, 100 pertsona inguru elkartu ziren afaltzeko Euskal Herria plazan. Gero diskoteka mugikor batekin aritu ziren kaleetan zehar, festari emaira emateko.
Boleibol txapelketako argazkiak ikusteko Agerremedia.com webgunean sartu daiteke.