Hasiera batean, pasa den urtearen antzera, luzera ezberdineko zazpi zinta jarriko dituzte zintzilik, eta beste bi gehiago jartzea aztertzen ari dira antolatzaileak. Hauexek dira aurreikusita dituzten zintak:
- Morea: 70 metro
- Berdea: 55 metro
- Urdina (spaceline): 25 metroko bi, eta 18 metro
- Gorria (trickline): 16 metro
- Laranja: 15 metro
Berritasunak ere izango ditu bigarren edizio honek. Bat jakinarazi dute: jendeak slackline-arekin lehen kontaktua izan dezan, zinta bat jarriko dute zerkausian bertan probatu nahi duen ororentzat. Gainontzeko berritasunak pixkanaka ezagutarazten joango dira.
Horrez gain, pasa den urtearen antzera, festa giroa sortu nahi dute Zerkausi inguruan, eta hori dela eta, taberna, DJak eta dendak jarriko dituzte.