Ekaina bukaeran ospatu zuren epaiketa, eta herri epaimahai nahiz magistratuak hiltzailetzat jo zuten 2013ko azaroan erretiroduna hil zuen gizonezkoa. Horrela, fiskaltzak 18 urteko zigorra eskatu zuen eta, akusazio partikularrak, berriz, 20 urtekoa.; leungarria benetakoa izanez gero, 17 urtera jaisteko eskaria egin zuten bi akusazioek.
Azkenean, ordea, epaileak 15 urteko espetxe zigorra ezarri dio akusatuari, defentsak eskatu bezala, azpikeriaz egindako hilketa dela ebatziz. Horrez gain, biktimaren senitartekoei 76.000 euroko kalte-ordaina eman beharko die.