Buruhandiak eta puzgarriak izan dituzte goizean haurrek jolaserako. Gainera, Ibarran dagoen Goienetxe Fundazioaren zerbitzuaren onuradunek egindako buruhandia estreinatu dute gaurko festan.
Eguerdian patata tortilla lehiaketa egin dute, eta aurkeztu diren bederatzi parte hartzaileetatik Eli Murua Artetxe tolosarrak irabazi du. Orain bazkaltzeko unea iritsiko da eta mahaiaren bueltan ehun bat pertsona elkartuko dira. Arratsaldean jarraituko du festak Tolosako Alde Zaharrean.