Hiru emanaldi gaur TolosandBlues jaialdian

Paul San Martin eta Joan Pau Cumellas Lopez Mendizabal plazan aritu dira eguerdian. 19:00etan Solana 4 tabernan Four Friends taldea arituko da eta Plaza Berrian aurtengo jaialdiko izarra Sharrie Williiams ikusteko aukera izango da.

Joan Pau Cumellas blues eta bluegrass jaialditan aritu da jotzen eta ezaguna da Frantzian, Erresuma Batuan, Holandan eta Irlandan. Egungo armonika jotzaile onenetakoa da.

TolosandBlues jaialdirako propio errepertorioa prestatu du Paul S. Martin donostiarrarekin. Hiru lau hilabete eman dituzte gaurko emanaldia prestatzen. Igandean, Saikin 2 tabernan jardungo dute berriz ere elkarrekin, 13:30tik aurrera.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!