Arratsaldeko lehen orduan jarraitu du festa giroak Tolosan, San Joan egunez. Eskopetariak Andre Mari plazan bildu eta bordondantzari, Musika Banda, txistulari eta udalbatzarekin batera ohiturazko ibilbidea osatu dute.
Arratsaldean ere hunkituta egon dira tolosar asko. Ohiko moduan San Joan bezperak izan dira Andre Mari parrokian eta handik joan dira udalbatzako kideak, musika banda, txistulariak, bordondantzariak eta eskopetariak Arrameleko baselizara. Konpleten txanda izan da. Trianguloan jendetza bildu da eskopetarien azken tiro hotsak entzun eta udalbatzaren dantzak ikusteko. Zumardiaundian bukatu da gaurko tradizio eguna, aurreskuarekin.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!