Hamabosgarrenez Et Incarnatus orkestrak udako solstizio kontzertua eskaini zuen atzo. Kontzertua eguraldi onarekin hasi bazen ere, bigarren kanturako gelditu behar izan zuten euriagatik. Hamar minuturen bueltan, ordea, arazorik gabe jarraitzeko parada izan zuten.
San Ferminetako diana baten moldaketarekin hasi zuen emanaldia Et Incarnatus orkestrak. Leire Berasaluze abeslariarekin Nere Herriko neskatxa maite edota Goizian argia hastian kantuak jotzeko aukera izan zuten. Enrike Solinis gitarra-jolearen laguntza ere izan zuten.
Kontzertu amaieran, Iñaki Epelden kuadro bat zozketatu zuten urtero moduan.