Oria ibaia izan da festa giroko elkarteen estropadaren lekuko. Eguzkiak ere parte hartu nahi izan du, eta eguraldiaren aitzakiarik ez da izan. Agian, arraunlariek tarteka lainoren bat nahi izan dute esfortzu betean aritu direnean. Halere, parte hartu duten lau elkarteek pozik bukatu dute egindako lanarekin. San Esteban elkarteak lortu du lehen postua, egindako bi txandetan 9:21ko denbora lortuz. Bi segundora amaitu du Lizardik, aurreko irailean, lehenengo postua eskuratu zuenak. Hirugarren izan da Txinparta, 9:58ko denborarekin. Lehia estua izan du Aiz-Orratz elkartearekin, hiru segundora amaitu duelako. laugarren geratuz.
Estropada amaitzerakoan, familia argazki atera dute arraunlari guztiek. Tourette sindromea dutenen eta hauen familien bilgunea da Afestta, eta elkartearen ordezkariei estropada solidarioaren oroigarria eman diete. Pintxoak saltzen aritu dira Zerkausiaren terrazan, eta bazkaria eta kalejirarekin jarraitzeko asmoz dute gaurko festa. Elkartek jarritako postura ere jendea joan da, Tourette sindromearen eta elkartearen jardunaren berri izatera.