Anoeta eta Tolosa arteko bidegorriaren eraikuntza lanak direla eta, asteazkenik, ekainaren 17tik, aurrera GI-3650 errepidea itxita egongo da Tolosa eta Anoetako industrialdearen artean. Errepide mozketak bi hilabete iraungo dituela uste da, epe hori laburtzeko saioa egingo den arren. Zirkulazioa N-I errepidetik bideratuko da.
Errepide mozketak ez dio Tolosa-Anoeta autobus zerbitzuari eragingo, ibilbidea aipatutako errepidetik egiten jarraituko baitu.
Mozketak ez die oinezkoei eta txirrindulariei eragingo, baina gunean lanak egin behar direnez, arretaz ibiltzea komeni da.