Iragan astean ekarri zituzten bi makina horiek, eta dagoeneko kalera atera dituzte garbiketak egitera. Motordun ibilgailu bereziak dira, eta maneiatzeko gainean zutik jarri behar da, moto edo bizikleta bat balitz bezala gidatuz. Makinaren formagatik ikusmina sortzen du, kalera ateratzean frogatu ahal izan den moduan, herritarrak begira-begira geratzen baitira. Mekanikariak azaldu duenez, plazetan eta kaleetan erabiliko dute makina, zabor txikiak biltzeko.