Laskorain Ikastolako gaztetxoak izan dira aurten babarrun aleak landatzeaz arduratu direnak. Kataluniako Pallars bailarako Al teu Gust nekazal ekoizleen taldea ere izan da.
Ilusio osoz egin dute landaketa ikasleek, Babarrunaren kofradiako eta Tolosako Babarrunak elkarteko kideen laguntzaz, Emeterio Arrese lorategian. Tartean zen Kofradiako Imanol Zubelzu eta bere esanetan, "babarruna bertako produktu izanik, garrantzitsua da bere zikloa ezagutaraztea". Horretarako gaztetxoekin egiten den lana "beharrezkoa" dela nabarmendu du. Era berean, uzta "oparoa" izatea espero dutela nabarmendu du Kofradiak.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?