Realak ez du kadete eta infantiletako talderik, baina Gipuzkoako hainbat jokalarirekin teknifikazio lanak egiten ditu, eta ondoren, hainbat txapelketa jokatzen dituzte txuri-urdinez jantzita. Aurreko asteburuan Andorran izan ziren, Francesc Vilaren Oroimenezkoan. Realak aho zapore ona utzi zuen, bigarren postuan geratuz. Taldeko kapitain lanetan ibili zen Nerea Eizagirre tolosarra, eta txapelketako jokalaririk onenaren saria eman zioten.
Realak, B multzoan, partida guztiak irabazi zituen. SK Slavia Prahari (1-0), ondoren Andorrako selekzioari (4-0) eta azkenik Villarreal CF-ri (2-1). Finalerdietan RCD Espanyol garaitu zuten (10-0) eta finalean Valencia CF-ren aurka galdu zuen, 0-4. Esperientzia oso ona izan da jokalari gazte hauentzat.
Txapelketa honetan Realarekin parte hartu duten jokalariek hiru teknifikazio saio burutu dituzte Zubietan. Lan saio hauetan, gazteek Garbiñe Etxeberria eta Javi Garmendia Realeko bi teknikoekin lan egin dute. Teknifikazio saioen helburua futbolari gazteek Realaren metodologia gertutik ezagutzea eta txuri-urdin instalakuntzetan lan egitea da. Gazteak klub hauetakoak dira: Hernani, Mariño, Allerru, Eibar, Oiartzun, Anaitasuna, Santo Tomás Lizeoa, Arizmendi, Añorga (Nerea Eizagirre), Zarautz eta Antzuola.
Realarekin kapitain moduan jokatu du tolosarrak Francesc Vilaren Oroimenezkoan. Bigarren gelditu da talde txuri-urdina.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!