Aurtengo sanjoanak iragartzeko kartel lehiaketak ere badu irabazlea, eta teknika originala irudi tipikoarekin uztarturiko lana iritsi da, gehien, tolosarrengana.
25 kartel aurkeztu ziren, guztira, eta epaimahaiaren galbahea pasatu zuten bost lanek. Horrela, kartelei botoa emateko epea pasa den maiatzaren 24an itxi ondoren, guztira, 1.647 pertsonak parte hartu zuten bozketan; Lara Aranzabal tolosarraren lanak, boto horietatik 610 jaso zituen.
Trazu askea suaren kolorearekin erabili du, eta eliza eta dantzariak irudikatu ditu, urteroko une kuttuna gogora ekarriz. Trazuaren azpian, berriz, kolore beltza erabili du.
