Hiru italiarrak Amarotzen izan dira gaur goizean. Tolosan hondakinak biltzeko erabiltzen den inguruko azalpenak jaso dituzte Ibai Iriarte alkatearen eskutik.
Ibai Iriartek esan duenez, edukiontzien bidezko sistema nola funtzionatzen duen eta zein emaitza ematen dituen azaldu die: "Erreportaje horretan Gipuzkoan azken lau urteetan eman den aldea jasoko dute".
Amaia Azkue Tolosaldeko Mankomunitateko ordezkaria ere bertan izan da, eta horrelako esperientziak oso aberasgarriak direla esan du. "Gipuzkoa eta Tolosaldea mailan egin dugun lana erakusten dute eta oso pozgarria da. Kontutan hartu behar da Europa Zero Waste herrialde desberdinek osatzen dutela eta Tolosako eredua beste herrialde batzuetarako baliagarria izatea oso pozgarria da". Edukiontziez gain, auzo-konposta egiteko dagoen gunea ere erakutsi diete, horrela organikoa kudeatzeko modu desberdinak daudela erakusteko. Era berean, Tolosaldeko herritar guztiak zoriondu ditu "beraiek egindako lanarengatik lortu ditugulako datu on hauek".
Gianni Giosue Europa Zero Waste taldeko kideak bere aldetik, bere aldetik, Gipuzkoa zero zaborreko adibide ona dela esan du eta horregatik etorri direla erreportajea grabatzera. "Gipuzkoako eredua oso ona da, ondoren bideo hori Europa osoan erakutsiko dugu", esan du.