Euskal Herriko nahiz kanpoko gizarte gaiak Otsabiko lokalera ekarriko ditu, urteroko moduan, Maiatza Gorria egitasmoak. Gaur hasi eta ekainaren 12ra bitarte, hitzaldiak, saio musikatuak, dokumentalak nahiz mendi irteerak izango dira parte hartu nahi dutenentzat.
Gaur iluntzean, esaterako, Kurdistango erresistentzia eta Estatu Islamikoa izeneko hitzaldia eskainiko dute, 19:00etan, Otsabin. Hilaren 14an, Sri Lanka eta Indiako herri tamilaren egoera izango dute hizpide eta, hurrengo egunean, Jatorkinen eskutik, Migrazio esperientziak solasaldia izango da, 19:00etan.
Erroizpe-Laarteko aztarnategira ere irteera egin ahal izango da, Manu Zeberio arkeologoaren eskutik, maiatzaren 16an, 10:00etan. Hilaren 17an, berriz, Burdin hariak eta plastikozko goilareak gogoeta musikatua izango da Otsabin, 19:00etan, espetxeari buruz.
Azkenik, maiatzaren 28an Zerrauts ogia, gosearen grebak dokumentala eskainiko dute, eta ekainaren 12an hitzaldia izango da, TTIP hitzarmenari buruz.
Otsabik gaur ekingo dio 'Maiatza Gorria'-ri
Ekainaren 12ra bitarteko saioetan, nazioarteko hainbat gizarte gai jorratuko dituzte
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!