Aurten ere lehiaketa bidez aukeratuko da Tolosako Sanjoanak iragartzeko kartela. Edonork parte hartu ahal izango du, baina bete beharreko baldintza batzuk daude:
- Ideia nahiz edukia originala izatea
- 'Sanjoanak 2015, ekainak 23-28 TOLOSA' testua jartzea
- Gaiaren trataera sexistarik ez da onartuko
Hona hemen beste hainbat betebehar:
- Neurri bertikala izan beharko dute: 50x70 zentimetro
- Teknika eta kolorea, bakoitzak nahi duela izan daiteke
- Ordenagailuz aurkeztuz gero, gutxienez 300 ppp izango ditu
Maiatzaren 15a baino lehen aurkeztu beharko dira lanak Kultur Etxean (astelehenetik ostiralera 10:00etatik 13:00etara edota 17:00etatik 19:00etara bitartean). Ondoren kultura departamentuak izendatutako epaimahai batek galbahea pasako du, finalistak aukeratu eta herritarrei ikusgai jarri aurretik. Herritarrak izango dira irabazlea aukeratuko dutenak, Kultur Etxera bertara joanez eta www.tolosa.eus webgunearen bidez.
Kartelaren atzean egileak adina eta leloa zehaztu beharko ditu, eta kartazal batean izen-deiturak, helbidea eta telefonoa adieraziko ditu. Kartazalaren kanpoan, berriz, izenburua eta egilearen adina.
Oinarri guztiak, www.tolosa.eus atarian