«Guretzat oso marko garrantzitsua da beste herrialdeei irekitzea», azaldu du Joxerra Zalakain Orixeko ordezkariak, eta programa horretan Gipuzkoatik bi ikastetxek bakarrik parte hartzen dutela nabarmendu du.
Proiektuaren helburua «profesionalagoa» dela gaineratu du Zalakainek, eta ikasketa sistemak alderatuko dituztela. Orixeko ikasleak Herbehereetan izan dira eta egunotan herrialde horretako ikasleak daude hemen. Tolosako Udalak harrera egin zien atzo ikasleei, eta Inaki Irazabalbeitia zinegotziak elkarrengandik «asko ikasi» dezaketela esan zien bisitariei.