Tolosako Foro Errepublikanoak, Tolosako Udala, Aranzadi Zientzia Elkartea, eta Tolosako Zine-Klubarekin batera, Kultur Aste Errepublikanoa antolatu du. Bihar hasiko da astea, 20:00etan Tolosako hilerrian dagoen oroitarrian faxismoaren biktimei egingo zaien omenaldiarekin.
Hitzaldi batekin emango zaio jarraipena. Etzi, hilak 15, 19:00etan, Asier Muñozek Osasun publikoaren egoera eta perspektibak Tolosaldea eskualdean solasaldia emango du, Aranburu jauregian. Ostegunean, Leidor aretoan La guerra ha terminado filma emango dute, Alain Resnais-ena, 19:15ean eta 21:45ean.
Hilaren 17an, 19:00etan, Julio Diamanteren Memoria Rebelde dokumentala emango dute, kultur etxean. Azkenik, hilaren 18an, larunbata, Tolosako udaletxean Errepublikako bandera jarriko da balkoian, 13:00etan.