Tolosako kultur etxeko ikastaroen artean arrakasta gehien dutenetarikoa izaten da, urtero, argazkigintzari dagokiona. Aurten ere eskainiko dute, Aste Santuko oporraldiaren ondoren, eta izen-ematea zabalik da jada.
Argazkigintza ezagutzen dutenei begirako eskaintza da, afizioa hobetze aldera. Horrela, Photoshop-eko edizioa, argazki aukeraketa nahiz zalantzak argitzea jorratuko dute, besteak beste, apirilaren 14tik aurrera.
Gaiei dagokienez, berriz, barruko natura, hiriko paisaia, erretratua eta argi naturala duen bodegoia landuko dituzte.
Iñigo Royo argazkilaria izango da irakaslea, eta saioak astearte eta ostegunetan izango dira, 19:00etatik 21:30era bitarte. Eskualdeko herritarrek 113 euro ordaindu beharko dute eta, eskualdetik kanpokoek, berriz, 169 euro. Taldearen gutxieneko eta gehienezko muga 8 eta 15 ikasle bitartekoak izango dira, eta bakoitzak norbere ordenagailu eramangarria beharko du lantegian.
Iñigo Royo izango da irakaslea, eta 50 orduko tailerra izango da
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!