2003, 2004, 2005 eta 2006 urteetan jaiotako gazteei zuzendutako Aste Santuko II. Super Eko saskibaloi txapelketa ospatuko da apirilaren 7tik 10era Usabal kiroldegian, TAKEk antolatuta.
3x3ko partidak jokatuko dituzte gazteek, baina taldeek lau jokalariz osatuak beharko dute. Taldeak, berriz, mutilenak, neskenak edo mistoak izan daitezke. Ondoren, taldeok bi mailatan banatuko dituzte: benjaminak (2005-2006) eta alebinak (2003-2004).
Neurketek izango dute pisu gehien, baina horrez gain, jolasak eta bestelako ekitaldiak ere izango dira.
Interesatuek martxoaren 27a baino lehen eman beharko dute izena. Horretarako, takesb@takesb.com helbidera idatzi beharko dute, taldearen izena, partaideen izen-abizenak eta bakoitzaren jaiotza urtea zehaztuz. Talde bakoitzak 10 euro ordaindu beharko ditu.