Igande goizean plazaratu zuten, komunikabideek, gertakari latza: Antsoainen (Nafarroa) emakume batek bere buruaz beste egin zuen, etxe-kaleratze baten ondorioz. Sistema ekonomikoa eta Laboral Kutxaren portaera salatze aldera, Stop Kaleratzeak plataformak eta LAB sindikatuak elkarretaratzea egin zuten atzo, hainbat herritan; tartean, Tolosan.
Stop Kaleratzeak koordinakundeak bultzaturiko mobilizazioa babestu zuen LAB sindikatuak, besteak beste, Miren Peña sindikatuko kidea baitzen: «Laboral Kutxaren nahiz Faurecia enpresaren erantzukizuna mahai gainean jartzeaz gain, eredu sozial eta ekonomikoaren sakoneko aldaketa» eskatu dute.