Iker Dorronsoro (Tolosa CF-ko entrenatzailea):
Mikel Loidi (Tolosa CF-ko jokalaria):
Bi partida, sei puntu. Hirugarren postua sendotzeaz gain, bigarrengoaren borrokan jarraitzeko garaipen garrantzitsuak izan ziren azken biak. Batez ere, goikoek ez zutelako hutsik egin.
Aurrera lehen postuan sendo dago. Haiek harrapatzea, oso zaila izango da, talde bikaina osatzen baitute. Horrez gain, denboraldi oso borobila egiten ari dira. Azken partidan adibidez, Usurbili zazpi gol sartu zizkien.
Bigarren postuan Aretxabaleta doa. Bigarren itzuli gorabeheratsua egiten ari dira, baina azken bi lehiak irabazita, borrokan jarraitzen dutela erakutsi nahi izan dute. Ziurrenik, Erregional Ohorezko Mailan dagoen talderik sendoena izango Aretxabaletakoa, bai behintzat jokalarien kalitatea kontuan hartuta.
Ondoren daude tolosarrak. Hirugarren postuan egotea ez da makala. Aipatu aurkariak izanda. Hala eta guztiz ere, gora begira jarraitu nahi dute, bigarren postua bi puntura baitago. Ez da erraza izango, ez dago euren esku, eta... hirugarren postua ez da makala; Aurrera eta Aretxabaleta ikusi ez dituenak soilik exijitu dezake horrelakorik. Hau da, taldea jarraitu ez duenak.
Tolosa CF egiten ari den denboraldia izugarria da. Eta horren jarraipena egiten hasteko ez da berandu. Liga amaitzeko zazpi jardunaldi besterik ez dira geratzen; zazpi final. Lehena larunbatean izango da Berazubin, eta aurkaria: bosgarren dagoen Anaitasuna. Partida benetan zaila beraz. Jardunaldia, bere osotasunean, oso interesgarria izango da, goiko talde guztiek euren artean jokatuko baitute.
Ostegunean Bergarari lehen gola sartzea ez zen erraza izan. Mariok sartu zuen buruz. Zarautzen, erdilaria bera izan zen taldeko onenetakoa, beste 10 lagunekin batera. Hori bai, Mikel Loidi amezketarrak izar papera hartu eta 1-0koa iraultzeko balio izan zuten bi golak sartu zituen: artista da ezkerra. Hain artista, bi golak eskuinarekin sartu zituela.
Larunbat honetan: gehiago.