Tolosaldea Osasun Publikoaren Alde koordinakundeak lau urteko ibilbideari errepasoa egingo dio, herri batzarrean. 2011n ekin zioten osasun publikoaren aldeko aldarrien bideari, eta ezinbestekotzat jo dute informazioa: «Garrantzitsua da ondo informatuta egotea eta informazio hori lehen eskutik jasotzea, tarteko interpretaziorik gabe».
Modu horretan, larunbatean, 12:00etan, lau urteotako gertakariak, aurreikuspenetatik bete direnak, aldarrien bitartez lorturikoak, Asuncion eta Osasun sailaren arteko hitzarmena, TOPAk jasotako atxikimenduak, egungo egoera nahiz aurrera begira eman nahi dituzten pausoak hizpide izango dituzte batzarrean.
Larunbatean izango da, 12:00etan, Tolosako kultur etxeko aretoan
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!