ETSk ohar bidez ohartarazi duenez, bertan lanean ari diren teknikariek metro bateko sakonune bat antzeman dute. Lur mugimenduaren ondorioz, 13.000 volteko poste elektriko bat mugitu da. AHTko bost teknikari aritu dira gaur arratsaldean eremua aztertzen, eta haien esanetan, perforazio txiki bat egingo dute lurraren egoera xehetasun handiagoekin aztertzeko. Iberdrolako langileak ere goizean zehar lanean aritu dira bertan.
Irristatzea gertatu den zatiko lanak %92an daude eginak, eta Tolosa eta Alegia igarotzen ditu. 3,8 kilometroko zatia da, horietatik 3,5 doaz tunel baten barrutik, eta 108 metro, berriz, zubi batetik.