Munduko natura, paisaia, kultura, istorio eta pertsonen topagune dira Amalur jardunaldiak. 2006ko martxoaren 15ean ekin zioten bideari jardunaldiek, Nairobitarraren inguruko hitzaldi batekin. Harrez geroztik, solasaldi ugari entzuteko aukera izan da Tolosan.
10 urte bidean lelopean gaurkoa izango da lehen hitzaldia. Aurtengoa berezia izango dela adierazi du Kike Zinkunegi antolatzaileak: «Hamargarren urteurrena da eta guztia hau ospakizun moduan hartu nahi dugu». Afrika, India, Asia, Maroko eta Patagonia bisitatzeko aukera izango da, besteak beste, Topic zentroan. Hamar urteko ibilbideari begirada bota diote antolatzaileek eta hamar urte hauetan Tolosatik pasa diren hizlari nabarmenenetako batzuk hautatu dituzte: «Denek izan dute zerbait berezia. Orain artean bakarka etorri dira, baina zerbait ezberdina egin nahi izan dugu», dio. Hasierako urteetatik ekarri du gogora tolosarren babesa izan dutela, «horrek lagundu digu hau urtez urte martxan jartzen», gaineratu du.
Antxon Bandres Bidaiarien Txokoarekin elkarlanean ere antolatzen dituzte hitzaldi eta tailerrak. Aurten ere, apirilerako eta maiatzerako lotzen ari dira pare bat hitzaldi, oraindik zehazteke badaude ere.
AFRIKA
Javier Reverte eta Luis Miguel Dominguez
Martxoak 12, osteguna
INDIA
Agustin Paniker eta Luis Pancorbo
Martxoak 13, ostirala
ASIA
Rosa Maria Calaf eta Josep Maria Palau
Apirilak 17, ostirala
MAROKO
Roman Morales eta Josu Iztueta
Apirilak 24, ostirala
PATAGONIA
Luis Sepulveda
Maiatzak 8, ostirala
Hitzaldi guztiak TOPIC aretoan izango dira, 19:30ean.