Tolosako Beotibar pilotalekuan izugarrizko jendetza bildu da gaur arratsaldean, hiru mailatako finalak ikustera.
Lehen partida zirraragarria izan da. Tentsio handiak markagailuan isla izan du, eta 21na berdindu ondoren, Zubizarreta-Erauskin nagusitu dira, Egiguren-Salegiren aurka. Eskualdeko bi pilotarien arteko lehian, beraz, Erauskin berrobitarrak eraman du txapela. Egiguren tolosarra saiatu da, baina partidaren bigarren zatian arazoak izan ditu, batez ere, eskuin eskuarekin.
21 urte azpikoen mailan Laso-Sarasa erraz nagusitu dira Elordi-Urizarren aurka. Nafarroara joan dira beraz txapelak. Bizkaitarrek, aldiz, ez dute euren eguna izan, batez ere Urizarrek. Azken emaitza, 9-22.
Nagusien mailakoan Irribarria-Arratibel ziren faborito, eta horrela hasi dira gainera, partidan aurrea erraz hartuta. Ondoren, Agirre jokoan sartu da, eta markagailuari buelta eman dio. Azkenean, atzetik hasi den bikoteak irabazi du lehia, 22-17.
Aitor Erauskin: "Partida gogortu eta azkenean irabazi egin dugu"
Final gogorra izan da, eta amaieran, lau pilotariak hortxe bukatu duzue lurrean etzanda.
Pilota oso zailak eman dituzu partida osoan zehar, baina batez ere, azken tantoan, ezker hormara itsatsitako hiru pilota horiek.
Nori eskaintzen diozu txapela?