Aurreko partidan bi gol sartu zizkiguten kornerretik, eta oraingoan, hasi bezain laster. Ondoren zer gertatu zen? Markagailuan esaten du dena. Lehenbailehen ahaztu behar dugu partida hau, eta hurrengoa prestatzen hasi. Beheko postuetatik puntu batera gaude, eta hemendik aurrerako partida guztiak hil ala bizikoak izango dira. Hurrengoa, Usabalen izango da 17:30ean, Barakaldoren aurka.
Jubenilek irabazi egin zuten euren partida, Amaikak Baten etxean, 0-1. Gola Ainhoa Bengoetxeak sartu zuen. Partida ederra izan zen.
Kadeteek 2-1 galdu zuten Lazkaon. Urdinen gola Zuriñe Iglesiasek sartu zuen.
Infantiletan, bi taldeek irabaztea lortu zuten. Tolosa Ak 2-1 irabazi zion Oiartzuni. Emaitza berarekin gainditu zuten Zumaiako Tolosa Bk. Izarne Sarasola, Nora Sanz, Lore Etxaburua eta Nahia Alkorta izan ziren goleatzaileak.
Azkenik, alebinek, gol festa bizitu zuten. Lazkaoren aurka, Tolosa Ak 0-9 irabazi zuen. Ordizia B eta Tolosa Bren artekoa, seina amaitu zen.