Tolosako CF atletismo taldeko neska kadeteak Euskadiko Kros txapelketan irabazle suertatu dira, Elgoibarren.
Zaldunita eguna izaki, inauteri giroan ospatu dute garaipena, izan ere, martxoaren 1ean Caceresen (Espainia) ospatuko duten Espainiako txapelketan parte hartzeko txartela eskuratu dute garaipenarekin.
Aipatzekoa da Maria Lasak irabazi egin duela krosa eta, Cacereseko txapelketan parte hartzeko aukerarekin batera, Euskadiko selekzioarekin Guadalajarara (Espainia) joateko sailkatu da, martxoaren 29an. Berarekin batera, Eneida Saldias, Izaro Perurena, Maddi Sanchez eta Libe Martinez de Rituerto izan dira. Entrenatzaileak, berriz, Sandra Varela eta Josu Gomez.