"Hungariako kaldereroak gara etorririk Tolosaldera. Laster Momek argituko digu nahiz eguna nahiz gaua. Inauteri alaiaren iragarle gu gara, Bai! atsegina eta algara". Entzundako kantuetako bat baino ez da; kalejirak, balts, mazurka eta antzeko erritmoak lagungarri izan dira Plaza Zaharretik abiatu eta Alde Zaharrean barrena kalejiran joateko. 50 musikaritik gora Tolosako kaleak kontzertu ibiltari bilakatuz.
Honakoa Urdina Txiki elkartearen 33. urtea da kalderero kalejira antolatzen eta gaurkoan ere 'ijitoak' ez zaizkie falta izan. Kalejira irekitzen, hala ere, ez da hartza eta bere domatzailea falta izan. Haur eta gaztetxoek irrikaz eta nerbioak jota espero zuten hartzaren etorrera.