Taldeko kideek balantza positiboa egiten dute: «Oso ona. Gainera kontuan hartuta guretzat pista errepidera begirako prestaketa dela», esan du Aitor Aiertzak.
Kadete mailan, Unai Iribar Gipuzkoako txapeldun gelditu zen. Oriako Limousineko bigarren txirrindularia, maila horretan, Asier Aiertza izan zen, bosgarren postua lortuz. Emakumeetan, txapelketa Ane Iriarte billabonatarrak irabazi zuen. Oriakotik pasatako txirrindularia da Iriarte, egun Reyno de Navarra taldeko kidea. Bigarren Maddi Amondarain gelditu zen, Oriakokoa. Emakumeetan ez dute adinaren araberako txapelketa antolatzen, hau da, guztiak Open izeneko multzoan sartzen dituzte, eta elkarrekin aritzen dira lehian.
Gipuzkoako Txapelketan Oriako Limousin zazpi txirrindularirekin aritu zen lehian.
Aurkezpena, larunbatean
Otsailaren 7an Oriakoko txirrindulariak Amarozko Limousin enpresan elkartuko dira, 15:00etan. Errepideko denboraldiari begira, aurkezpen ekitaldia egingo dute bertan.