Esperientzia tailerra azokan

Neguko bigarren esperientzi tailerra egingo da larunbat honetan Zerkausian. Egun hauetan tolosan giro berezia sortzen da, Iñauteriak baititugu ate joka! Eta horregatik larunbatean azokan ere iñauteri giroa sortzen ahaleginduko dira! Otsailean sartzearekin negua ere aurrera doala antzematen da, eguna luzatzen hasia da eta oraindik ere oso apala izan arren lurreko aktibitatea, laister hasiko dira baserritarrak baratzeetan landaketak prestatzen! Dagoeneko marrubi landareak ari dira berdura plazan saltzen, horregatik, oraingoan marrubi mozorroa eginez ondo pasatzeko aukera izango da azokan. Tailerra irekia da eta edonork hartu dezake parte.