Bere senideek urte honetan zehar jasotako babesa eskertu nahi izan dute, eta omenaldiaren hasieran honako mezu hau irakurri dute:
Eskerrik asko hemen zaudeten guztioi eta momentu hau antolatzen aritu zareten guztioi. Eskerrik asko lehenengo Urtziren izenean, futbola eta zuek, urdinak, bere bizi-pozetako bat izan zaretelako. Zuekin oso zoriontsu izan da eta momentu goxo eta ederrak izan dituelako zuen artean. Hemengo porteria batean sartu zuen buruz bere azken gola eta bertan gelditu da bere zati handi bat zuekin. Seguru nago, dagoen lekuan dagoela oso pozik eta harro dagoela zuetaz. Bere irribarre politarekin eta bere gizontasunez animatuko zaituzte. Eskerrak bereziki Amaiaren, Nekaneren eta Juanitoren izenean.
Momentu hau une gazi-gozoa da guretzat. Saminez beteta Urtzi gure artean ez dugulako, baina poza zenbat maite duzuen ikusiz. Urte hau guretzat zaila izan den bezala, zuentzat ere hala izan da. Gure bihotzetan dagoen bezala, zuenetan dagoela ikusten dugu eta hori pozgarria da. Inoiz baino gehiago dago gure artean, gure bihotzetan. Inoiz ez da hilko denon bihotzetan irauten duen bitartean.
Hemendik eskerrak eman nahi dizkiot Urtziri, hain zoriontsu egin gaituelako. Gogorra benetan bera gabe bizitzea. Gure malkoek ezin dute bete zure hutsunea, zure irrifarreak laztantzen du gure bihotza. Eta zure oroitzapenak betetzen dute gure bizitza. Xabier Leteren 'Jardin bat zuretzat' eskaini nahi dizut. Abesti honetan adierazten baitira Urtziren nahiak, ilusioak, gure momentuak eta desioak.
Maite zaitugu, Urtzi.
Hiru puntu garrantzitsu
Omenaldiaren ondoren jokatu du Tolosa CF taldeak bere partida, Beti Gazteren aurka. Jokoan ongi baina markagailuan atzetik hasi da. Atsedenaldira 0-1ekoarekin iritsi dira urdinak. Bigarren zatian, ordea, bi gol lortu ditu Fuentesek, taldeari garaipen garrantzitsua emanaz. Amaieran, Tolosa CF 2, Beti Gazte 1.
Iker Dorronsoro: