Urtzi Gurrutxaga Tolosa CF taldeko kapitaina iazko otsailaren 2an zendu zen, bihotzekoak jota. Urteurrenaren harira, larunbat honetan omenaldia egingo zaio Berazubin, 16:15ak aldera; bere taldekideen partidaren aurretik.
Horrez gain, Euskal Autonomia Erkidegoko hainbat puntutan, «gune publiko jendetsuetan», desfibriladoreak derrigorrezkoak izango direla jakitera eraman zuen atzo Eusko Jaurlaritzak; www.eitb.com-ek zabaldu zuenez, «ikastetxe, saltoki, geltoki eta kirol instalazio jendetsuetan derrigorrezkoak izango dira». Eskari hau Gurrutxagaren anaiak jarri zuen martxan, 116.000 sinadura bilduz eta Osasun Sailean aurkeztuz.
Urtzi Gurrutxagaren anaiak, Enetz Gurrutxagak, esker ona adierazi du Twitter bidez: "Eskerrik asko helburu hau lortzen lagundu duzuen guztioi".
Eusko Jaurlaritzak leku publikoetan desfibrilatzaile automatiko eta semiautomatikoak ezartzeko dekretua onartu berri du....
— enetz gurrutxaga (@enetzgurru) January 27, 2015
gaurtik aurrera martxan jarriko dena. Eskerrik asko helburu hau lortzen lagundu dezuen guztioi. pic.twitter.com/gNTxv5EHHE
— enetz gurrutxaga (@enetzgurru) January 27, 2015