Datorren ostiralean, hilaren 30ean, egingo da zozketa jendaurrean, kultur etxean 20:00etan. Zozketan parte hartzeko beharrezkoa da 12 lagunez osatutako zerrenda betetzea ondorengo datuekin: izena eta 2 abizenak, eta NAN zenbakia. Zerrenda ezberdinetan izen bera azalduz gero, berriz, zerrenda horiek guztiak zozketatik kanpo geratuko dira.
Sarrerak, otsailaren 2tik aurrera
Sarreren erdiak, berriz, otsailaren 2tik 5era jarriko dituzte salgai www.bibe.me webgunean, agortu arte. Beste erdiak, Leidorreko leihatilan jarriko dituzte otsailaren 9tik aurrera, 16:00etatik 20:00erako ordutegiarekin.
Sarrerak 4 egunetarako izango dira:
2015/02/12 - Ostegun Gizena
2015/02/15 - Zaldunita
2015/02/16 - Astelenita
2015/02/17 - Asteartita
Prezioak, berriz, honako hauek:
Lekua | Internet | Leihatilan |
TENDIDOA | Orokorra: 2,15€ <16 urte: 1,10€ |
Orokorra: 2,00€ <16 urte: 1,00€ |
HARMAILA | 2,15 € | 2,00 € |
PALKOA (2,5€/pertsonako) | 30,00 € |
Bai leihatilan eta bai internet bidez, bakoitzak gehienez 10 sarrera erosi ahal izango ditu, eta ezingo dira ez itzuli ez eta aldatu ere.