Duela lau urte egin zuten lehen txapelketa, eta aurtengoa bigarrena da. Iñaki Salabaerria antolatzaileetako baten esanetan "lan handia" suposatzen baitu horrelako txapelketa bat antolatzeak. Hala ere, eskualdean afizioa dagoenez, aurten ere erronkari eustea pentsatu dute. Boulderra eskaladako modalitate bat da, Salaberriaren esanetan "gogorrena" eta agian, horregatik, ez da hain ezaguna baina eskualdean praktikatzeko aukera dago Usabalen.
16:00etan hasi da txapelketa, eta lehenik gazteenak aritu dira 45 minututan 10 bloketako lana egiten. Jarraian, helduak hasi dira 4 bloketako lana egiten, klasifikazioa lortzeko. Horiek amaitutakoan gazteen finala jokatuko da eta azkenik helduen finala. Edonola ere, giro polita sortu dute Usabal kiroldegian.
