Biurrun izango da berriz ere Auzitegi Nagusiko Gizarte Arloko lehendakaria

Garbiñe Biurrun Tolosako epaileak gaur hartu du EAEko Auzitegi Nagusiko Gizarte Arloko lehendakaritza. Kargua berresteko ekitaldian euskararen alde egingo duela esan du eta jurisdikzioan euskararen normalizazioaren alde lan egingo duela nabarmendu du. Honekin  batera, prozesuen iraupena murrizten saiatuko dela ere esan du.

Era berean, onartu du 2011 eta 2012. urteetan milaka gai pilatu direla auzitegian eta beraz, prozesuen erantzunak atzeratu egin direla. "Honek ondoeza eragin du epaile eta magistratuen artean", esan du. Azken bost urteetan egindako lanari jarraipena emango diola ere esan du epaile tolosarrak.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!