Urte berriaren hasierako ohiko ospakizunek aspaldikoak diruditen arren, 2015ak zortzi egun besterik ez ditu gaur. Duela astebete, hain justu, Vienako (Austria) urte berri kontzertu arrakastatsua izan zen, eta errepertorio beraz gozatzeko aukera izango da, iluntzean, Leidor aretoan.
Strauss Festival Orchestraren eskutik, urte berri kontzertua izango da Tolosan ere, musikarien eta balletaren lana uztartuz.
24 urteko ibilbidea dute, eta Europa osoko oholtzarik prestigiozkoenetan aritutakoak dira, 5 milioi ikusletik gora erakarriz: Vienako Musikverein, Amsterdamgo (Herbehereak) Concertgebouw, Berlingo (Alemania) Philarmonie, Hamburg-eko (Alemania) Musikhalle, Erromako (Italia) Auditorium Parco della Musica nahiz Madrilgo (Espainia) Teatro Real. 20:30ean hasiko da kontzertua, gaur, Leidor aretoan, eta sarrerak eskuragarri daude, oraindik, www.kutxasarrerak.net web atarian.
Strauss Festival Orchestraren ikuskizuna izango da 20:30ean Leidorren; sarrerak eskuragarri daude.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!