Harrobiko taldeek iragan asteburuan atseden hartu zuten. Ez ordea kadete taldeko bi jokalarik, Realarekin jokatu baitzuten jai egun horietan. Maria Herrero eta Izarne Sarasola Tolosako jokalariek Aretxabaletako Torneoa jokatu zuten txuri-urdinen infantilekin, eta txapeldun gelditu ziren. Tolosa CF taldetik bi haurrak zoriondu dituzte, bizitako esperientziagatik, eta lortutako sariagatik.
Euskal Ligako jardunaldi berri bat jokatuko da larunbatean, Tolosako Usabal futbol zelaian. Tolosa CF-Eibar 17:30ean hasiko da. Aurreko jardunaldian etxetik kanpo jokatu zuten, sailkapen nagusiko hirugarrenaren etxean, Getxon. Bizkerre taldea nagusitu zen 2-0.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!