Tolosako Topic zentroak, bere ohiko jardunari elkartasuna gehitu dio gabonetan, beste behin ere. Horrela, igandean biribilduko dute proiektua, Zergatik bizi da basoan txanogorritxoren amona? txotxongilo emanaldiarekin.
18:30etik aurrera, Donostiako Txotxongilo konpainiak lau urtetik gorako haurrentzako saioa eskainiko du, eta ikuskizunaz gozatzeko sarrerak ez dira diruz ordainduko. Herritarrek galkorrak ez diren jakian eraman beharko dituzte Topic-era, eta janariaren truke ikuskizunerako sarrera eskuratuko dute. Ondoren, Topic zentroak Tolosako Caritas erakundeari bideratuko dio janari guztia, gehien behar dutenek oinarrizko elikagaia izan dezaten.