Iker Dorronsoro, entrenatzailea:
Partidan sartzea kosta egin zitzaien bi taldeei. Lehen 15 minutuetan, indarrak neurtzen aritu ziren, eta baloiak ez zuen kolorerik. «Zelai erdia irabaztea lortu dugu» zioen Dorronsorok, eta horrela izan zen. Tolosarrak aurkariaren pare edo gehiago zirela ikusi zuten, eta borroka gehienetan baloiarekin gelditzen zirela. Horren ordainetan, aukerak irabazi zituzten urdinek, eta horrela iritsi zen Endikaren lehen gola: hegaletik areara baloia, bertan bakarrik hegalekoa, lasaitasunez baloia gelditu, kontrolatu, jaurtiki eta gola.
Bigarren zatian borrokak bide beretik jarraitu zuen. Bi taldeek izan zituzten aukerak, eta Ruben atezainaren geldiketek mantendu zuten Tolosa CF aurretik. Aurrera arriskuarekin iristen zen, eta etxekoek bigarren gola behar zuten, azken minutuetara lasaitasunarekin iristeko. Area ertzeko falta batek ekarri zuen bigarren gola. «Jonek ateratzen ditu normalean faltak, eta ea probatu nahi nuen esan zidan. Baietz esan eta...», eta Endikaren izugarrizko gola.
Hamaikakoa eta joko sistema
Ruben atezainaren aurretik hiru defentsa sendo jarri zituen Iker Dorronsorok: Unai, Pablo eta Iban. Aurretik, Jon Gomez eta Mario Zubelzu. Hauen aurretik Segurola. Atzeko eta erdiko hirukoak laguntzen, Aitor eta Endika bera aritu ziren hegaletatik. Aurrean, «euren defentsa urduri jartzeko», bi aurrelari jarri zituen Dorronsorok: Fuentes eta Iñigo.
Berazubin partidarik galdu gabe, azken hiru lehiak irabazita, eta atzean golik jaso gabe, gorantz begira dago taldea. Urtea amaitu aurretik, beste partida bat jokatuko dute, eta hori ere etxean izango da.
Erregional Ohorezko Maila
Tolosa CF 2
Aurrera 0
Sailkapena
1. Aretxabaleta 33p
2. Aurrera 30p
3. Martutene 24p
5. Tolosa 23p
Hurrengo jardunaldia
Tolosa (5)-Antzuola (18)