Otsailak 12, Ostegun Gizen, geroz eta gertuago dago eta udalak jada ireki du karrozetako eta konpartsetako izen ematea. Abenduaren 1ean bildu ziren karroza eta konpartsetako kideak eta bertan lehiaketan parte hartzeko oinarriak onartu zituzten. Horrenbestez, behin oinarriak onartuta, gaur 10:00etan, zabaldu dute izena emateko epea.
Horretarako, aurten ere bi bide jarri dituzte herritarren eskura. Batetik, online www.tolosa.eus webgunearen bidez egin ahal izango da eta bestetik, kultur etxeko sarrerako bulegora joanda. Horretarako ordutegia honako hau izango da: 10:00etatik 13:00etara eta 16:00etatik 19:00etara.
Jada zehaztu dituzte parte hartzeko oinarriak; www.tolosa.eus web orrian edo kultur etxera joanda eman daiteke izena
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!