200 lagun baino gehiago bildu dira eguerdian Zerkausian Txuleta Festako lehen bazkarian. Txartel guztiak saldu dituzte gaur eta biharko bazkarirako.
Momentuan ebakitako urdaiazpikoa, TAKE saskibaloi taldeko gazteek lagunduta prestatutako zainzuri eta kukuluak, Tolosako erretegietako parrilleroek prestatutako txuleta ederrak... aipatzearekin soilik gosea jartzen zaio bati.
Bada, Zerkausia jatetxe erraldoi bihurtu da ehunka laguni menu horrekin txunditzeko. Aurtengoa ere "arrakastatsua" izan dela nabarmendu dute Tolosaldea Tourreko kideek. Ez da gutxiagorako, gaurko eta biharko afarirako soilik geratzen baitira txartel gutxi batzuk.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!